Khutbah Idul Fitri ing Gondosuli, dinten Kamis Wage, 1 Syawal
1434H/8 Agustus 2013 :
Loma, Apikan lan Kendel, Syarat
Nggayuh Kamulyan
Alhamdulillah punika dinten bakda,
1 Syawal, saestu tuwuh bombong, bingah lan syukur. Kita raosaken sedaya dados agung-sae
jalaran sampun tingkas anggen kita nglampahi kewajiban siyam Ramadhan jangkep
kanthi amal sunnahipun: tarawih, tadarus, iktikaf, sedekah, zakat. Lajeng kita
ngajeng-ajeng piwalesipun siyam langsung saking Gusti Allah kados suraosipun
Hadits Qudsi riwayat Imam Bukhari, Muslim, Nasa’i lan Ibnu Hibban saking Abu
Hurairah RA. Mugi-mugi siyam kita dipun tampi Allah lan dados ewonipun tiyang
takwa. Amin. Iman-takwa mugi saged kiat-nunjem ing manah kangge modal nerasaken
tugas-gesang kita ing alam donya sak punika dalah sak lajengipun.
Sak sampunipun iman-takwa
nunjem ing manah lajeng mangga kita ikhtiar supados saged nggayuh kamulyan
kanthi perkawis tiga: loma, apikan lan kendel. Tiga sifat sae punika
penting dipun wujudaken kanthi ajar lan mbiasakaken loma (giver), ajar mbiasakaken
apikan sarta ajarmbiasakaken gesang kendel. Sedaya kanthi ajar+mbiasakaken. Saged
ugi dipun udi kanthi nebihi sifat
negatif sak kosok-wangsulipun: medhit,
elekan lan jirih. Sebab
tiyang medhit punika mandar tebih saking rejeki, tiyang elekan tebih saking
raos tentrem manah, lan tiyang jirih saestu tebih saking kathah ngamal ageng lan
tebih saking kesaenan. Kathah tuladha palupi saking tokoh-tokoh ing tarikh-sejarah
lan ugi saking para tokoh-lokal ing lingkungan kita ingkang ngiyataken-mbuktekaken
babagan punika. Tiyang loma, apikan sarta kendel saestu dados mulya gesangipun.
Sewalikipun tiyang ingkang medhit, elekan sarta jirih lajeng tebih saking
gesang mulya ing donya, punapa malih ing akhirat.
Al-Quran Surah Ali Imran paring
tuntunan gesang kagem kita tiyang ingkang pitados:
tûïÏ%©!$# tbqà)ÏÿZム’Îû Ïä!#§Žœ£9$# Ïä!#§ŽœØ9$#ur tûüÏJÏà»x6ø9$#ur xáø‹tóø9$# tûüÏù$yèø9$#ur Ç`tã Ĩ$¨Y9$# 3 ª!$#ur =Ïtä† šúüÏZÅ¡ósßJø9$# ÇÊÌÍÈ šúïÏ%©!$#ur #sŒÎ) (#qè=yèsù ºpt±Ås»sù ÷rr& (#þqßJn=sß öNæh|¡àÿRr& (#rãx.sŒ ©!$# (#rãxÿøótGó™$$sù öNÎgÎ/qçRä‹Ï9 `tBur ãÏÿøótƒ šUqçR—%!$# žwÎ) ª!$# öNs9ur (#r•ŽÅÇム4’n?tã $tB (#qè=yèsù öNèdur šcqßJn=ôètƒ ÇÊÌÎÈ y7Í´¯»s9'ré& Nèdät!#t“y_ ×otÏÿøó¨B `ÏiB öNÎgÎn/§‘ ×M»¨Yy_ur “ÌøgrB `ÏB $ygÏFøtrB ã»pk÷XF{$# šúïÏ$Î#»yz $pkŽÏù 4 zN÷èÏRur ãô_r& tû,Î#ÏJ»yèø9$# ÇÊÌÏÈ
(Wong
mulya) yaiku wong kang padha blanjakake barang darbeke nalika kacukupan lan
nalikane karupekan; lan tahan ngampet napsune, lan ngapura kaluputaning liyan.
Allah remen marang wong kang tumindak becik. Yen lagi tumindak ala utawa
nganiaya marang awake banjur enggal-enggal eling marang Allah tumuli padha
nyuwun pangapura ing dosane (jalaran) ora ana kang bisa ngapura kajaba Allah
piyambak. Lan ora padha nglestarekake olehe tumindak kaya wingi ing mangka
dheweke padha mangerti dosane. Wong kang mangkono iku bakal diganjar pangapura
lan suwarga kang ing ngisore ana kaline mili; ana ing kono bakal langgeng lan hiya
iku sabecik-becike piwales tumrap wong kang padha ngamal (QS Ali Imran[3]:
134-136)
Akhiripun mangga kita laksanani ikhtiar duniawi kanthi maksimal lan
tanpa kendhat anggen kita ndonga nyuwun dumateng Gusti Allah, mugi punapa
kemawon ingkang kita lampahi tansah pinaringan hidayah lan pikantuk ridhanipun.
Mangga kita nyuwijikaken panuwun, nyenyuwun dateng Zat kang Murbeng Dumadi.
Langkung rumiyin kita ngleresaken anggen kita lenggah, nyucekaken manah kanthi
memuji Allah ta’ala. Jalaran namung Gusti Allah zat ingkang Maha midhanget,
maha mrisani, maha kuwaos, maha welas, maha asih, maha ngabulaken panyuwun
kawulanipun, maha ngatur, maha ngupakara sedaya titahipun. Amin. Muhammad Nasirudin
Tidak ada komentar:
Posting Komentar