Ringkesan Khutbah Idul Fitri
ing Gondosuli Muntilan, Jumat Pahing, 1 Syawal 1436 / 17 Juli 2015
Pilih Ibadah Unggulan
Alhamdulillah, menika dinten bakda, 1 Syawal 1436
H. Saestu kebak raos syukur, bingah lan bombong. Dinten istimewa. Kita raosaken
saestu sedaya dados sae, pas lan agung. Persasat mboten wonten tiyang susah.
Sedaya anem-sepuh ageng-alit ngraosaken seneng-bahagia lan ikhtiar saged nyenengaken
tiyang sanes kanthi: wajah-pasuryan cerah, pakaian endah-endah, suguhan kathah-kathah,
gampil sedekah. Gampil aruh-aruh, ical raos gengsi. Excellent Service.
Puncak sehari dalam setahun. Alhamdulillah
sampun nutug anggen kita nglampahi kewajiban siyam Ramadhan lengkap kanthi
amal-sunnahipun: tarawih, tadarus, i’tikaf, sedekah, zakat fitrah. Kantun kita
ngajeng-ngajeng piwalesipun langsung saking Gusti Allah kados suraosipun Hadits
Qudsi riwayat Imam Bukhari, Muslim, Nasa’i lan Ibnu Hibban saking Abu Hurairah
RA. Mugi-mugi siyam kita dipun tampi dening Allah lan kita dados ewonipun tiyang-insan
takwa. Amin. Iman-takwa mugi saestu kuat-kiat-nunjem
ing manah kangge nerasaken tugas-gesang kita ing alam donya sak punika dalah
sak lajengipun.
Jamaah
rahimakumullah. Wulan Ramadhan wingi sampun
kita isi riyadhah batiniah, latihan
jiwa-spiritual-mental. Kados-kados sampun kemput anggen kita ikhtiar nyampurnaaken
amalan wajib lan sunnahipun. Bismillah,
fikih-aturan siyam menika sarwa fisik ananging tujuan siyam saestu nonfisik: takwa. Siyam kados mesin proses saking
Allah, bahan dasaripun insan-beriman kanthi hasil insan-bertakwa. Prosesipun
mawi siyam, tarawih, i’tikaf, ugi olah-batin, riyadhah supados mugi-mugi dumugi ing takwa. Amin. Menawi Ramadhan dados wulan
latihan, lajeng kapan ujianipun? Mulai Syawal punika ngantos wulan Sya’ban
tahun ngajeng. Mila, proses lan amal kebiasaan sae ing Ramadhan wingi sampun
ngantos mandheg, rampung, supe, bubar. Telas Ramadhan kok telas riyadhah; ilang
ampetane, punapa malih mandar dados risak, proses ingkang mundur, ibaratipun uler ingkang
ngenthung dangu kok hasilipun sanes kupu ananging tetep uler
ingkang ageng lan nggilani, punapa mawon dipun tedha. Na’uzubillah. Ing QS
an-Nahl [16]: 92 Gusti Allah paring pangandikan, pepenget:
wur (#qçRqä3s? ÓÉL©9$%x. ôMÒs)tR $ygs9÷xî .`ÏB Ï÷èt/ >o§qè% $ZW»x6Rr&
Lan aja nganti sira
kabeh kaya dene sawijine wong wadon kang ngudhari tenunane sawise tenunan mau
dadi sarana kukuh banjur dadi udhar kocar-kacir maneh; (QS an-Nahl [16]: 92)
Mila mangga kita terasaken ibadah kita ing Syawal punika. Sak
mbotenipun kita gadhah ibadah unggulan, siji. Badhe awujud siyam sunnah? Ibadah tahajud?
Ibadah infak terus-menerus? Badhe ngapalaken Quran? Ibadah ingkang tanpa kendhat
kita amalaken sinaosa namung alit ananging berkesinambungan teras; mandar sae
tanpa dingerteni tiyang sanes. Artosipun nalika sanesipun sami sare,
kita ibadah munajat. Nalika sanesipun sami dhahar, kita siyam sunnah. Sanesipun
sami istirahat, kita teras ngapalaken. Cekap pilih setunggal jenis ibadah; sinaosa
saged sedaya ananging temtu awrat. Ibadah unggulan pilihan wau dados andalan
amal kita, ingkang mbentenaken kita saking tiyang sanes. Pembeda. Ibadah bedinan tanpa mondhag-mandheg: Siyam
Senin-Kemis, tahajud, hifzul-Quran, ZIS, zikir, lan sanesipun ingkang ikhlas lillahi ta’ala. Bismilah, sumangga kita pilih gumantung kekiyatan kita piyambak.
Ing wasana mangga kita
laksanani ikhtiar duniawi kanthi maksimal lan tanpa kendhat anggen kita ndonga
nyuwun dumateng Gusti Allah, mugi punapa kemawon ingkang kita lampahi tansah
pinaringan hidayah lan pikantuk ridhanipun (mardhatillah).
Pungkasan, mangga kita nyuwijikaken panuwun, nyenyuwun dateng Zat kang Murbeng
Dumadi. Langkung rumiyin kita ngleresaken anggen kita lenggah, nyucekaken manah
kanthi memuji Allah ta’ala. Jalaran namung Gusti Allah zat ingkang Maha
midhanget, maha mrisani, maha kuwaos, maha welas, maha asih, maha ngabulaken
panyuwun kawulanipun, maha ngatur, maha ngupakara sedaya titahipun. Amin. Muhammad Nasirudin, Kauman Muntilan.
Tidak ada komentar:
Posting Komentar